O Encontro Internacional de Novos Investigadores en Arqueoloxía e Ciencias da Antigüidade (EINIACA) é a primeira actividade que se organiza dende ARCIAN. O evento levarase a cabo na Facultade de Xeografía e Historia da Universidade de Santiago de Compostela durante os días 10, 11 e 12 de xuño de 2015. Este encontro está aberto a tódolos novos investigadores interesados nos eidos da Arqueoloxía, a Prehistoria e a Historia Antiga e aos afeccionados e interesados nas mesmas, e nel disertarase e debaterase sobre as investigacións dos seus participantes. A tecnoloxía protohistórica na Península Ibérica, os mitos e ritos da Grecia antiga e o pensamento romano conformarán as cuestións sobre as que reflexionar nas mesas temáticas, namentres que nas sesións libres expoñeranse comunicacións que abrangan asuntos máis amplos relacionados coa Península Ibérica prehistórica e protohistórica, Grecia e Roma.

  Dende ARCIAN convidámolos a participar no evento presentando as súas propostas, segundo o calendario e as condicións que se sinalan no seguinte enlace (pulse na imaxe) e aos afeccionados non investigadores asistindo coma público ás xornadas.