A Asociación Cultural de Arqueoloxía e Ciencias da Antigüidade (ARCIAN) é un proxecto sen ánimo de lucro fundado en setembro de 2014, por un grupo de estudantes en etapa predoutoral da Universidade de Santiago de Compostela (USC). Ante a necesidade de estimulala investigación nas especialidades de Arqueoloxía, Prehistoria e Historia Antiga, así como de facilitala acción dos novos investigadores, ARCIAN nace como unha agrupación cultural que fomenta o progreso das disciplinas mencionadas e dos especialistas noveles. Concibida como un instrumento de desenrolo á vez que punto de contacto entre os profesionais e interesados na materia, ARCIAN pretende impulsalo coñecemento e a investigación nas áreas citadas e estimulala interacción entre os especialistas nas mesmas.

 

     Por elo, dende a Asociación, animamos e invitamos a todolos interesados na Arqueoloxía, a Prehistoria e a Historia Antiga a participar no proxecto ARCIAN e nas actividades que axiña desenrolaremos.